إيميل وصلني و خلاني أضحك ، قلت أنقله مدونتي علشان تشاركوني الضحك (وين سامعة هالشعار من قبل؟)، لأن مو حلو شكلي و آنا أضحك بروحي جني مو صاحية
المهم ...أترككم مع الإيميل
******************
آنستي العزيزة..
لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..
أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....
1. الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا
2. العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....
3. الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....
4. الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..
5. المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..
6. السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..
7. الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..
8. البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..
9. الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....
10. ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه.....
وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا
*******************
و آنا نصيحة من عندي
عزيزتي ... لا تسوين روحج فاهمة و تقترحين على ريْلج تروحون مطعم ياباني أيام الملجة
فإن أكلت بالشوكة و السكين فأنت تثيرين الإزدراء (متخلفة ...ما تعرفين تاكلين بالتشوب ستيكس؟)
و إن سويتي روحج تعرفين تاكلين بالتشوب ستيكس فأنت تثيرين الشفقة (صحنج فاضي بس الأكل كله طايح على الأرض، الكل خلص و إنتي خنت حيلي ما كليتي شي)
و إن كليتي بالتشوب ستيكس بمهارة متناهية فأنت تثيرين الغثيان (كما تقتضي العادات اليابانية إنج تشرعين حلجج على الآخر و تاكلين السوشية "مفرد سوشي" بلقمة وحدة)
بس و آنا اقرا هالإيميل تبادر إلى ذهني سؤال
الرياييل "يخبّون" نفسهم لا بغوا يتزوجون مثل ما يصير مع البنات؟
أحنا البنات من نوصل 17 سنة (أو أصغر من جذي) نبتدي نتلقىّ الدروس و النصائح لكيفية التجمل و التودد للزوج ، مادري الشباب نفس الشي؟ لا سمعوا واحد من ربعهم يبي يتزوج يمسكونه و ينصحونه؟
لأني ملاحظة إن أغلب الكتب و الندوات و الدورات التي تُعْنى بالسعادة الزوجية و إنجاح الزواج موجهه للنساء بشكل خاص.
خيوط الوله
قبل 4 أشهر
هناك 20 تعليقًا:
أغلب الكتب و الندوات و الدورات التي تُعْنى بالسعادة الزوجية و إنجاح الزواج موجهه للنساء بشكل خاص
اختصرتيها، فلذلك ليش الشباب يتعلمون عن الزواج إذا كانت المرأة اهي اللي بتخربه
أظن واضحة
وبعدين حركة اللي لازم تكتب الكلمة قبل لا تنشر التعليق كلش مو شي
فهد العسكر
أول شي (قبل لا أبتدي بالمعاير) أبارك لك نزول رواية الأطخم،طلبتها بس ما يابولي إياها ، بس خن تخلص الإجازة و أتصل فيهم.
----------
واااااااااااااضحة جدددددددددداً
علشان جذي بإسمي و نيابة عن جميع النساء أقول إنا راح نشيل إيدنا عن هالمسئولية
and we`ll let you do it your own way guys
و خن نشوف إش بتسوون
--------------
الكلمة إلي لازم تنكتب قبل التعليق ضرورية جداً علشان أعرف إذا كنت إنت إلي كاتب الإجابة ولا روبوت...مادري مرة قريت إن هذا الغرض منها
يضحك الايميل وحدة قلبها علينا معشر البنات وتبي تفطنا لاصول الذرابة والاتيكيت فيها الخير والله
ومنها نستفيد بس لما تنفك العقده ان شاء الله ;)
الحين يا اختي ينقلب السحر على الساحر
وكل واحد توه متزوج يودي مرته مطعم ياباني عشان يشوف الي قلتي عنه
====
وايد عجبني تسال الاخير
الي ويودينا حق موضوع اخر
وهو لماذا مجتمعنا دائم يعد المراءة لتحمل مسؤولين نجاح الزواج
؟
سوييييييييييييييييتي
:)
هذي إلي كاتبة الإيميل حسيتها أبلة إقتصاد منزلي ، تعليمات وااااااااايد و مالها معنى.
و على قولتج بس إن شاء الله تنحل العقدة
أحنا نعقدهم
مركبنا
أهلاً فيج بأول زيارة لج بمدونتي ...شنو تحبين أقدم لج؟
شاي ولا قهوة ولا سوشييييييييي؟
واي لأ عفية الاكل الياباني يبيله دورات مكثفة مع ناس ماينة عليهم، خليني أقول لج موقف يفشل صار لي بمطعم واسابي.
كنت رايحة مع البنات و أول مرة أطلب سوشي ، يابوا السوشي و مقدمين معاه عجينة الواسابي ، آنا ما أعرف شنو واسابي حسبته أفوكادو و آنا أموت في الأفوكادو ، سييييييييييييييده جان أزرط قطعة الواسابي مرة وحدة.
آنا كلييييييييييييتهااااااااا
فجأة جان أقعد أبجي
حسيت دخان يطلع من حلجي و خشمي و أذوني ، مساكين البنات إختبصوا إشفيج؟؟؟!!
إشفيج؟؟!!! ماي ....ماااااااي
بعديييين عاد تعلمت إن الوسابي لازم تاخذين منه قطعة صغيرة و تذوبينها بصلصة الصويا ، أو إنج تاخذين منه نتيييييييييييييفه و تحطينها مع الأكل
أما التساؤل الاخير فهذا يبيله بوست بروحه ، لكن آنا أؤمن بشدة بالمعادلة التالية
زوجة حاطة ريل على ريل+زوج يحوفها
= زواج ناجح
زوجة كل شي على راسها+زوج على راسه ريشة=
النتيجة الأولية (زوج إتكالي و أناني و زوجة حنانة و ما يعجبها العجب)
النتيجة النهائية طلاق فعلي أو طلاق عاطفي
و آسفة على الرد الطويل ...إندمجت :)
العزيزة ميلوو
صباح الخيرات والسرور
:)
-------
وشمعنى مطعم ياباني؟
:))
-----
مبروك اللوك الجديد للمدونة...للأمانة حلو ماشاء الله
:)
تقبلي مني وافر الاماني الطيبة
العزيزة ميلوو
صباح الخيرات والسرور
:)
-------
وشمعنى مطعم ياباني...ليش مومطعم هندي وشغل برياني..مايحتاج حوسه
:))
-----
مبروك اللوك الجديد للمدونة...للأمانة حلو ماشاء الله
:)
تقبلي مني وافر الاماني الطيبة
صبحك الله بالخير بوراكان
إشفيك بو راكان علشان تبين حق الريال نزعة الحداثة إلي فيها (العالم يتجه إلى السوشي) و روح الإثارة و مدى إطلاعها على ثقافات الشعوب ‘ بس آنا ما تبط جبدي إلا إلي تطلب سوشي و تصر إنه السمك إلي فيه يكون نيّ ، آنا مرة بالغلط سويتها حسيت إني دب قطبي.
و على قولتك ليش مو هندي؟ خنين و مطبوخ إلى درجة الإحتراق....أو لبناني أحسن ،تغطّط و تغمّس علشان تطيح الميانة مرة وحدة.
:)
إيه صج بو راكان
مشكور ما قصرت كلك ذوق...يشبه غرفتي علشان أحس إن المكان مكاني.
شاكرة لك مرورك
فرحت بردج المطول
بدعتي بالسالفتج
انا احرص مع ناس مو ماينه عليهم ولا في الاستقبالات والحفلات مااجرب شئ ما اعرفه من قبل عشان ما اتوهق
شكرا اختي على الترحيب وااااااااايد
وصدقتي بالمعادلات
يا هلا فيج مركبنا
بس يا حافظ مسرع ما طلعتي ما مداني أقدم لج سوشي:)
حياج الله حبيبتي
الرياييل "يخبّون" نفسهم لا بغوا يتزوجون مثل ما يصير مع البنات؟
بصراحه فيه رياييل يختبون اول الامر يعني شهر بالكثير وبعدين الله لايوريج
بالنسبه للحريم ترى الخبه مو زينه البساطه أزين
أهلين شاعرنا :)
قلت يختبون؟
وشهر بعد؟
زين.. ميخالف، بعدين عاد كيفهم بس أهم شي ما يسيئون المعاملة.
و بالفعل الخبة الزايدة مو زينة تخيل عندك صديق يتصل فيك باليوم 7 مرات و يترس موبايلك من مسجاته و كل ساع يايب لك هدية و كل طلعة تطلعها معاه يعزمك على حسابه و كلما يالك البيت تلقاه يايب معاه شي...فجأة تحس هالإنسان حمل ثقيل و إنك مدين له بالكثير من كلمات الشكر و المديح ، فجأة تلقى هالشخص إلي كنت تحبه قلت جاذبيته و صرت تبي تتهرب منه بأي وسيلة...وهذا بالضبط إلي يصير مع البنات.
تلقاها تسأل نفسها آنا مو مقصرة معاه بس مادري إشفيه علي...ماتدري إنها خنقت هالعلاقة بإيدها.
اما عن الايميل الكلمة الوحيدة الي تعطية حقة عجيب :) و مفيد :p
يا حلو الاكل الياباني و الصيني بعد بس مااحب الطري .
اما عن التسائل اذا الرييايل يخبون روحهم ؟ الاجابة محد هين
هههههههههههههههههههههههههه .. الصراحه صدقج .. قمه في التخلف .. انا ما اقول انه الوحده لازم ما تعطي هالامور اهميه .. لكن انا اقول انه بعد المفروض انه النصايح منطقيه ..
شو يعني اسير مطعم صيني وعقب لازم ما اكل بالشوكه والسكينه ولا اكل الستكز ,, عيل كيف باكل بايدي .. ( اتخيل اضرب بالخمس ههههههه) اكشن الصراحه ..
على فكره هالفتره تكون البنت فيها كانها داخله دوره عسكيه تحت عنوان كيف تتوديين وتروضين زوجج .. يختي مصخره لا وينتهي الموضوع بان الوحده لو تكح جدام زوجها تنحرج .. انا اقول انه لازم الوحده تتعلم امور اساسيه تخص هلموضوع مثلا احترام الزوج وانها تنتضر بالمقابل منه الاحترام الخ ,, مب كيف تاكلين ولا تكحين ولا ولا ولا .. شو يتحسبوننا طالعين من جنقل ^,^ شو عايشين في غابه ما نعرف هالسوالف .. بس جد ضحك .. الحمد لله والشكر تسلمين حبوبه على الموضوع اكشنتيني الصراحه ,, لووول
بس
تبين أصب لج من حساء القرش؟
:)
واي هالبوست بدعة ألحين إختي من نروح مطعم و إييبون لنا الأكل أقول لها ديري بالج...ما تكليهوووووووووووووش ،بوسيه :)
محد هيّن؟
;)
شاكرتلج مرورج حياتي
uae breath
لأ لأ لأ لو سمحتي الإيميل مفيد...تعلمنا فيه إن الشوربة تنشرب بالقفشة (الملعقة..مادري شنو تسمونها بالإمارات) ما نشربها من الصحن.
لووووووووول
صدقتي ... إلي قاعد يصير في مجتمعنا إن مفهومنا جداً ضيق حول تأهيل البنت للزواج.
التأهيل عندنا يقتصر على شوية رجيم على كورسات عناية بالبشرة يمكن كم عملية تجميل ، و تتعلم البنت كم طبخة على كم كلمة معسوله تعيد و تزيد فيهم على الزوج ...وهكذا تصبح البنت جاهزة للزواج.
غلط
أهم شي نعلمه البنت هو شلون تبني علاقة قوية مع نفسها وهذا هو الاساس إلي ترتكز عليه اي علاقة سواء كانت مع زميلات في العمل...صديقات...وحتى الزوج.
لكن إلي قاعد نعلمه بناتنا من طفولتهم للأسف هو كيفيه "الإستذباح" لإرضاء الطرف الآخر بأي وسيلة.
قلتها حق عزيزتنا الإخت مركبنا و أخونا براك و قلتها في بوست تساقط الثمار(إذا حابه تقرينه)
http://comfyzoneq8.blogspot.com/2008/06/blog-post_18.html
إن التكلف الزائد ينهي أجمل العلاقات.
لكن امانة ...الاكل الياباني لا تاكلينه إلا مع ناس ما بينج و بينهم كلفة لأنه صج يبهذل.
اسعدني مرورج عزيزتي :)
ماشالله خوش نصايح
اهم شي لما ياخذها مطعم ياباني .. تسوي نفسها منقثه منه من كثر ما تاكل منه ..
بطاط وشاورما مو مطعم ياباني
بعدين جماعتنا ما يحتاجون نصايح .. ينولدون فاهمين كل شي
الحارث بن همام
إيه والله خوش فكرة ، تقول له مليت من الياباني و تفك عمرها من هاللغوة
إيه إندري إنكم يالرياييل دائماً الجنس المتفوق
على قولة أبلتنا الهندية إلي درستنا إنجليزي يوم قالت لنا حكمتها الخالدة
"كل الرجال نفس الشكيلة"
ماكو فايدة
أسعدني مرورك :)
إرسال تعليق