تهدأ اضطرابات إقليم الباسك على وقع طبطبة نسمات ندية عابرة فوق هامات جبال البيرينيه (تذكرون بيل و سيباستيان؟)
مفعمة بعبق شواطئ سان سيباستيان المطلة على المحيط الاطلسي الرحب
وهنا بلباو حيث الحداثة
*متحف غوغنهايم للفن التشكيلي الحديث
*من فندق الشيراتون في بلباو (كأنه متحف للفن الحديث)و جنون الفنون
*هذا الورد إلي زاد عندهم سووا منه هالتمثال
و عبير الازهار.. و رقة بتلاتها
*سبحان الله هذا غصن واحد مطلع أكثر من وردة كل وحدة لونها غير
و روعة الجمال
حين يغفو*
*
*
*
*
*
*
*
*
إسبانيا
حبي لك لا تحتويه عدسات التصوير
إسبانيا
cuanto te quiero
*******************
كل الشكر مجددا لأختي و كاميرتها :)))
هناك 50 تعليقًا:
وااو جـمااال :)
سـلمت يمناكِ :)
وأسبانيا ما هـي إلا إمتداد لحضارتنا التي إندرثـرت =( !
فكيف لها أن لا تكون بهذا الجمال وقد حوت فيما مضت من حـوت !
اما تصوير إختج ما شاء الله حـددده يشووق , سلميلي عليها وقوليلها بـوحـة تصفق لج على هالإبداع حـدده فلكرها خيااال ما شاء الله , ربي يوجـه طاقاتكم للخير ويحفظكم ويخليكم حق بعض :*
وعليكم بالعافية عسى دوووم متهنين ومستانسين إن شاء الله =")
وبإذن الله راح أحط لها كومنت بفلكر :)
كـونـي بـخير صديقـتي =) :*
WaNaSa FirSt Comment ;p
بوحة :))
يا هلا بأول من علّق
صباح الخير و الجمال :*
تهقين؟ أسبانيا حلوة ليش فيها من ريحتنا؟!
:)
ترى صج ...جزء كبير من جمال البلدان يأتي من طبيعة شعوبهاو أسبانيا (خاصة الجنوب) وايد فيهم منا ..يعني أوروبا متشابهة في طبيعتها بشكل عام حتى الجنوب الأسباني فيه شبه من كان في فرنسا و في سنة من السنين رحنا البرتغال تقريباً نفس الطابع لكن ما يميز أسبانيا روح الحميمية و الدفء العائلي الذي قلما تجدينه في الغرب.
حبيبتي ما قصرتي ، كا توني دزيت حق إختي صفقتج بالمسج :)))
كوني بخير عزيزتي :*
صباح الأنفصال و الثورة واقليم الباسك
:)
رايحة صوب التمرد
:)))
أنا من محبي الجنوب... و حدي لي مدريد
الشمال حتى اشباههم غير
بس شاطرين يفجرون فينا كل ما تموا
حاشنا طشار تفجيراتهم في صيف من الأصياف
بس الصور وايد حلوة
تسلم ايدها:)
عاد هذي اذا انفصلت
قولي على اسبانيا السلام
خصوصا بلباو
بسم الله الرحمن الرحيم
لووووووووووووول هدّي هدّي إشفيج وين كنتي حاشج الطشار؟
يعني يوم كنا في بلباو سمعنا صوت إنفجار واحد بس عموماً الوضع هادئ و الأمن مستتب بس عاد أهمه لا اضطربوا مو مثلنا لا اضطربنا بالشرق الأوسط صواريخ و دبابات و دمامين إتطشر مني و مناك.
آنا عن نفسي أفضل الجنوب ، بس والله الباسك وايد حلو قعدنا شوية أربع أيام و 3 ليالي في بلباو و منها زرنا سان سباستيان ..الجو بارد جداً جداً هناك بعز شهر 8 و بلباو أقدر أسميها مدينة الحدائق و الورود حدايقهم وايد وايد حلوة و كل حديقة مبنية على طراز معين.
أما الناس مناك نفس طبيعة الأسبان إلي تحت..جدات (إبويلاس) يتمشون ويا أحفادهم.
لو نعرف فيها أماكن أكثر جان طولنا بس فندقنا (الشيراتون) كان موقعه وايد حلو بابه الجدامي مجابل مجمع تجاري و من ورا يطلع على حديقة عامة لا صار بالليل نقعد نتمشى فيها لما ندوخ من البراد و من ريحة الجوري.
الشاهد ..إن يازت لنا :)
جندوله
على أسبانيا السلام؟
والله ما عندي خلفية ثرية عن هذا الموضوع إلي أعرفه إن عندهم حاليا حكم ذاتي محدود لكن مهما كانت إضراباتهم السياسية ما اعتقد إن دولة بتلغي دولة ثانية مثل إلي حصل معانا بالغزو
المهم إن أحنا رحنا مناك و إستانسنا :))
ميلو
فعلا
اهم وايد اشرف من اللي عندنا
اذا بغوا يفجرون.. يخلون المكان عشان ما يصير في خسائر بشرية... دايما يصير في اخطار قبل التفجير
صج اسبان!!
احنا كنا بالكويت لما اتصلوا فينا وقالوا ان صار تفجير وأثر على العمارة كلها
الله لا يوريج
دمار شامل... الزجاج واصل لي المطبخ
غيرنا كل شي
وبلباو والباسك اساس اقتصاد اسبانيا... من جذي معجعجين فيهم
الباجي ... خبر خير
صباح الانوار البلباوية :)
انا بعد متعصبة للجنوب اللي فيه بقايا آثارنا
برشلونة حدي فيها 4 أيام و تطق جبدي:)
اقولج شيء.. اهي مو حلوة عشان فيها ريحتنا.. اهي حلوة لأنها تخلصت منا
أكبر دليل المغرب.. تقريباً نفس الطبيعة.. بس ما تنبغا.. مابي أطب فيهم ..
أشوة ان اسبانيا اسبانية :))
viva espan~a
** thanx 4 the pics .. amazing
الله لا يقوله وترد الاندلس!
ويــــــــــــع تصير مثل طنجة!
الله يزيده
وعاش دون كارلوس عاش
جندوله
إيتا تحرشت بفوينخيرولا؟!
لا عاد كل شي ولا ديرتنا ...خطاكم السو
بس أحس الباسك ما لهم ذيج الأهمية الإقتصادية مقارنة ببرشلونه و مدريد.
مادري والله
أهلين أحنا عشقناها
برشلونه ولا مرة رحت لها بس إلى شافوا يا واااايد حبوها أو إكرهوها.
الجنوب الأسباني له جماله إلي برأيي لا يشبه أي مكان في أوروبا لكن آنا أحس إنه جزء من هذا الجمال راجع للحضارة الإسلامية لكن لو العرب (بوضعهم المتردي الحالي) ليلحين يحكمون أسبانيا جان ما صارت بهالجمال.
جندوله
الله لا يقوله وترد الاندلس!
لوووووووووووووووول ليش يا حافظ
مانبي العرب يغزون أحد(فقد ولى ذاك الزمان) بس إذا طلعت في الدول العربية أو الإسلامية حضارة جديدة كما كانت الأندلس بقوتها و بثرائها الثقافي و العلمي من يقول لأ.
محد يعاف هالشي :)
جندوله
و آنا بعد وياج
عاش كارلوس بو فيليبي
:)))
رحلتنا لبرشلونة كانت 10 ساعات بالسيارة
تصدقين..
ما حسيت بالدرب معني ما حب السيارة و طريجها.. حتى البحرين ما اتحمل دربها بالسيارة
الطريق روعة
نمنا ليلة في valencia
حلوة و مشهورة بانواع الرز و مطاعم الpaella
كل مطاعمها على الساحل و يتنافسون بأنواع البأيا.. كل واحد يقول الزود عندي
برشلونة هم حلوة
بس سواحلها مو بجمال سواحل الجنوب
بس المطاعم و السوق ... اوووه.. شيء
las ramblas اشهر تقاطع شوارع مشهور بالقهاوي و المطاعم و المولات
ثرية بالمتاحف و الكنائس
و طبعا الملعب البرشلوني الكاتلاني اللي إحنا تقريا طاقين الدرب حقه :))
على كل حلاتها 4 أيام و ولهت على قلعة سوهيل :))
و ردينا و نمنا ليلة alicante
مدينة حلوة و مجكنمة
و سواحلها و جبالها خلابة
بس فنادقها لج عليها
أكشخ فندق عندهم 4 ستارز
و صاير جنة شالية
بس نظيف كعادة الفنادق الاسبانية اللي ترفرف
لازم تمرين برشلونة
و أنا بعد لازم أروح san sebastian
على هالسنين.. وايد صعب علي اني اقرر اتلحلح من مكاني و أزور مناطق جديدة
حتى الكسبو العام ما رحت له على اني قاعدة شهرين
هم العام فتحوا قطار جديد
ساعتين و نصف انتي في مدريد
بس تنبل.. هم ما رحت
يختج اموت على الركة و قعدت القهاوي
جني خذيت راحتي و كتبت بوست :))
برشلونة تقع تحت كاتالونيا وكاتالونيا على ما اعتقد هم من ضمن اقليم الباسك
:)))
وانشاءالله عمرها ما تصير دولة عربية!!!
من صجج؟؟؟
كافي علينا الآثار
أحنا عشقناها
شوقتيني على برشلونه و فالينسيا من دريت إن أصل البائيا من عندهم و آنا ودي أروح :))
بس روحة بالسيارة؟!
لأ ما أغامر يتراولي راح أتعسر.
أليكانتي نعرف كويتيين طلعوا من توريبلانكا و خذوا لهم شقه مناك في أليكانتي..وايد يمدحونها.
4 أيام و 3 ليالي كافي إذا المكان ما تعرفينه عدل الواحد بس بيغير جو.
نفس الشي الباسك .. آنا عندي بلباو شوي أشرح..إذا بتقعدون بسان سيباستيان في فندق على الجبل (أول صورتين إلي في البوست منه) الـview وايد حلو الطريج ساعة في الباص من بلباو لين سان سيباستيان و كلش ما يملل المناظر عجيبة. بس مثل ما قلت لج 3 إلى أربع أيام كافي.
أحنا بس لو الله يفكنا من هالكسل .. بعد بصراحة فوينخيرولا فيها حياة أكثر .
جندوله
كاتالونيا غير عن الباسك ...كاتالونيا في الشمال الشرقي و الباسك في الشمال الغربي و كل إقليم له لغته الخاصة فيه.
كاتالونيا إسمها يشوق أحسه طبق فيتوتشيني معاه صلصة لذيذة (ردينا على الأكل ..ياااااكرهي)
أسبانيا خليها على حكم بو فيليبي أحسن لها :)))
اسمها حده يشوق
ما عمرك جربتي
crema catalana
???
كريما كاتالانا مو إهيه نفسها كريم بروليه؟
yes the same
bs spanish version
:))))
بس هذي تنوكل دافية والكريم بروليه لازم بارد
flan de casa
ينوكل بارد ويسرسح
:)))
flan
اهو الكريم كراميل
جندوله
هالمعلومة توني أعرفها
كريم بروليه و حار؟!
إجرام
يا ربي هالأسبان كل شي عندهم ناطع.
الفلان تصدقين ما قط مرة ذقته بمطعم ، بس إلي بالقواطي مال danone
إمبيه إلي يقرا تعليقاتنا آنا وياج و أحنا عشقناها و يونوهو يحسب كل وحدة وزنها 200 كيلو
بس صج الطبخ أحسه four dimentional art
يجمع بين الطعم +الشكل+الريحة+الملمس.
و أي شعب مطبخه ثريّ معناته إن حضارته ثريّة :)
ميلو
لوووووووووووووول
اي والله صاجة
ترى الكريما كاتالانا وايد اخف من الكريم بروليه
وليش اني منحازة للمطبخ الاسباني
عندي وايد الذ من كريم بروليه
ماركة دانون حلوة وال
arroz con leche
مالهم لذيذ
صدقتي يا اختي... تعبر عن الحضارة
:))
ترى الكريما كاتالانا وايد اخف من الكريم بروليه
إهي يمكن مو خفيفة ، بس خفيفة على قلبج :))
leche con arroz?
يعني رز بلبن؟ لأ الحمدلله ما أحبه (استانس لما أكتشف شي ما أحبه)
جربي ال leche frita
هم هذا نوع من الحلويات بس عاد مو كل مكان يجيدونة :))
عموما جميع انواع الحلويات الاسبانية عجيبة بمطعم ميخا بو طير :))
هم أكو حلو ما يبنا طارية:
اللي يبيعونة حزة feria
TURRON لذيذ جنة شربت بيذان ميمد :))
Arroz con leche رز باللبن ... حده لذيذ و لا عاد لا زادوا الدارسين اللي فوقة..
يبيلنا نفتح بلوق و نسميه فتافيت :))
أحان عشقناها
leche frita يعني حليب مقلي؟
حسيته نفس غولاب جامون مال الهنود.
بس مطعم الطير هذا وين صاير؟ بميخس نفسها ولا بطريج ميخس؟
التورون هذا إلي جنه قبّيط فيه بيذان كله ناخذ منه حق الكويت.
آنا بلوقي مال الطبخ joy in a dish هادته صار لي أشهر ما طليت فيه ودي أرد له بس متعب ،مرة قعدت على واحد من البوستات من الظهر لين أذان المغرب
أستاذ حمام
ولا يهمك أحط لك شماعة عند باب المدونة علشان تعلق عليها سياستك قبل لا تدخل ، و إن عاندت ترى وَيَـلُكُّ وَيـَلـُكُّ وَيـَلُـكُّـ
لوول لا أتغشمر ..على الرحب و السعة إنت و سياستك
GRACIAS POR TU VISITA
شكرا لزيارتك :)
روعة
روعة
رووووووعة
!
مشكوره عالبوست الرائع
صباح الانوار
المطعم بالضبط عند صعدة مصارعة الثيران
على ايدج اليمين
اهو بيت صغير و له بلكونة عودة اهي المطعم
leche frita مدحته حق بنت خالتي و ريلها.. دعوا علي:)))
الناس أذواق
اذا ما تحبين الرز بلبن لا تجربينة:)
المطاعم اللي بصعدة ميخا تمام
في واحد اسمة paradiso خوش view و خوش اكل .. بس لازم reservation
فانكو
لووول تذكرتج يوم تقولين عن فيلم سلمدوغ ميليونير رائع روعة يروع :)))
مشكورة حبيبتي أسعدني مرورج :*
أحنا عشقناها
مساء النور و البنور :))
تصدقين آنا نوعي أخاف أمدح شي حق أحد
بس ليتشي فريتا هذي تنوكل ولا تنشرب؟
أستاذ حمام
I`m realy reeeealy reaaaly sorry
مادري شلون حذفت تعليقك ألحين شلون أرده؟؟؟
ما ينرد؟
العزيزه ميلو
تسلم ايدك ع البوست الجميل اول مره اسمع بهالاماكن..شوقتينى عليها بس احنا كسالى باسبانيا حدنا البورت وماربيا وبينالمدنه بالويك اند ليشن البورت يوم السبت مالج مقز ابره زحمممممممه ويوم ان احنا تعصرنا رحنا قصر الحمرا ...
اي وميخاس رحت لها مره وحده
واذا تحبين سبا روحى سبا كمبنسكى عجيب..والاكل صدقتو عجيب ما ارد الا زايده ولا البل بل قبس وال بأيا..على فكره تدرين ليش سموه بأيه يعنى بقيه لما كان العرب حاكمين كانو يوزعون عليهم بقيه الاكل عشان جذي اهى مخلوطه من الرز وبقايا الاداممن دجاج ولحم او سمج
يعنى فضلت الاكل الله يا الدنيا صج ما يدوم عزها لاحد..
اخيرا استمتعت بالصور وتسلم ايد اختج والسوالف بالبوستين عن اسبانيا
تحياتى يا الغاليه عاشقت اسبانيا:)
حبيبتي المقوع
آنا جداً سعيدة لأني نزلت هالموضوع لأن ما شاء الله تعلمت أماكن يديدة ما قط مرة فكرت أروح لها.
يعني عمري ما رحت سبا في أسبانيا.
و البئيا آنا سامعة هالقصة بس قريت مرة في ويكيبديا إن أصل إسم البائيا من الصحن إلي ينطبخ فيه (هذا الصحن الاسود إسمه بائيا)..يعني مثل ما أحنا نقول صينية خضار صينية مكرونه صينية دجاج اهمه نفس الشي بائيا ماريسكو إلي إهيه البائيا البحرية و ميكسد بائيا هذي إلي فيها كل شي.
والله العالم.
و مشكورة على الزيارة :***
buenas tardes seniorita :)
el leche frita
ينوكل ..:))
اي والله صاجة .. انا قايلة ما راح امدح شيء حق أحد مرة ثانية.. بلشة
خلاص إياني و ياج تاكلينة :))
que paella rica!!
يعني "شهالتبخة"
ميلو
مسائك خير
ودي اسوي بوست عن كلونياتهم!!!
احس بدعنا بالاكل ونسينا كلونياتهم!!
شرايك؟؟؟
أحنا عشقناها
هذا بالذات أبي أجربه :)))
خلاص راح احطه على رأس اللسته ..حليب مقلي عند مطعم بوطير بميخس
جندوله
مو بس كلونياتهم ... آنا أبي الصابون إلي يمسحون فيه الأرض يا حلات ريحته إلي على صنوبر...ولا الشور جل لا تسبحتي ريحة الشقة تصبغ منه.
بصوا بئى ىبصراحه ربنا انا اي بوست بيتكلم عن اسبانيا
تييلي حاله غريبه ماتخليني اعلق اصير جني ولد اختي اذا مايازله الوضع بس عافس حواجبه ويطالع بطرف عيونه لوول
فانا ليش انه ودي بس ماحصلي احتر اي احتر ميته برووح بس محد يشجع شكلي من بوستج انتي والمقوع باعلن الثوره والجهاد واطلع عن شور القبيله لووول حدي اندمجت واروح بروحي :(
صورج اتشوووووق اتيييييينن عليكم بالف عافيه وتعيدونها بكل خير وحب وسعاده يارب
إينجل هارت
صباح إلي عاقدين النونة و يطالعون من طرف عين.
لا يمعودة لا تسافرين بروحج باجر أهلج يدورون على المشيشج يلقوني آنا.
الله يرزقج بسفرة قريبه مع الناس إلي يحبهم قلبج :***
مشكورة حبيبتي على المرور
الصوره الاولى
والباندا
رووووعه
جمال مو طبيعي شيشتيني اروح اسبانيا
ترا ما بإذني مااااي
ودي اروح اشوف الحضاره الاسلاميه
والجمال الطبيعي
والوجه الحسن
تييين
؟؟
احجز لج معاااي
:)
التصوير جميل وصج اللقطات فن
وتسلم ايدها يارب
قوليلها تكثر من هالشغلات ترد الروح
روعه البوست
مدونتج راقيه
ومريحه
تحياتي من قلب
:********
تسلمييين ميلو الله يسمع منج يو توو :)
وش صور ماشاء الله شيشتينا
انا مارحت اسبانيا ممن قبل
شرايج نروح يميع
إييييييييييييييييييييه
قلبه متروسه..!
مساك بالخير يا الحبيب ، والصراحة الصور إبداع والتعليقات الي عليها جميلة ...
الصراحة شيشتنا للروحة ..
لأني كنت ناوي وما زلت وطلعت الفيزا وخلصت بس قعدت أأجل وأأجل والآن بعد بوستك تشييشت أكثر ..
وشكلي بحجز هاليومين ^^!
شاكرين لك الموضوع المميز ونترقب يديدك ^_^
صبصب :**
يالله معانا...بإذن الله أحنا رايحين هالسنة الجنوب.. زهبي لج هدوم خفيفة و سن بلوك لأن شمسهم حارة ...و نزلي لج جم كيلو قبل السفر لأن اكلهم لذيذ هناك (هذي الخطة أتبعها قبل كل سفرة).
بس إنتي اي باندا تقصدين؟ إلي بفليكر إختي ؟
هذا مو باندا هذا cute monky.
آينجل هارت
آمين حبيبتي عن قريب إن شاء الله ;))
سويتي شلونج ...عسى إن شاء الله أحسن؟
راحت الغلقة؟
شكلنا بنسوي غروب .. آنا و إنتي و جندل و احنا عشقناها و المقوع و يونوهو و أينجل هارت و صبا و...بعد من يبي يسافر معانا؟
يا هلا أخوي نورت
إذا تبي تحجز ترى من الحين يالله تلحق €لأن الكويتيين نوعهم يحجزون بأكثر من موعد و حزة الحزة يشوفون الموعد إلي مناسبهم و يتمون عليه و باقي المواعيد إلي حجزوها يكنسلونها.
على فكرة آنا بنت مو ريال :)
حياك الله
إيييييييييييه صبصب توني ألاحظ صورة الباندا إلي تقصدينها...تمثال الورد؟!!
سوري سوري مي سوري.
بس هذا باندا؟
مادري آنا أشوفه cute doggy
إرسال تعليق