آخر مرة نزلت فيها بوست في مدونة الطبخ joy in a dish كانت قبل 6 أشهر تقريباً، إلـّي فاجئني إن في وايد زوار قاعدين يدخلون المدونة بالرغم من إني هادتها طول هالفترة!قبل يومين زميلتنا العزيزة منال كتبت لي تعليق قالت فيه إنها تنطر الطبق الياي!
يعني في أحد قاعد ينطرني؟!!
كنت بادية أكتب بوست يديد و متكيسله انزله بس عقب ما شفت تعليق عزيزتنا منال و جندل و بنت الديرة
شديت حيلي و دخلت المطبخ مرة ثانية
هذي دعوة حق كل إلي ترك التدوين إعتقاداً منه إنه مو قاعد يقدم شي مهم ، لا تستصغر أي موضوع حتى لو كان شخصي،أي كلمة مهما كانت بسيطة فغيرك يشوفها من زاوية ثانية و تاثر فيه تأثير كبير.
أشكر كل إلي علق في مدونة joy in a dish من إفتتاحها إلى الآن ، و اقدم لهم هذا الطبق إلي أتمنى انه ينال إعجابهم، و إلي ما جرب أطباقي من قبل إييب صحنه معاه و يشرفني بزياته (إضغط هنا)
هناك 16 تعليقًا:
صباحو شيف ميلو
:)
هني وعافية
.
.
.
مستعدة أتكلم في كل شي ما عدا السياسة!
تحوشني ارتكاريا!
شكلها خوش (تبخة) ميلوتي... مقادير ولا عليج كلافة!
:)
ميلو واي اشم الريحة وشكلها طبخة خفيفة وسهلة
سابقتج للمطبخ لاتبطين :)
يختي شنو هالنداره؟
:)
تسلم ايديات اللي طبخت
وتسلم الإيديات اللي كتبت
انا بروح المطبخ هناك واتقرا
بس قبل ما اروح كنت ابي اقول شي :
لندون لأنفسنا
ولنكتب بصدق احساسنا
قد يكون الأمر بسيط،امر تافه في نظرك ولكنه قد يكون شمعه ضوؤ في طريق غيرك فلا تستصغرين اي كلمه تكتبينها ولو كانت فكرة
بيت شعر
او حتى طبخة:)
انا جدا سعيده بتلك الفكرة التي دونتيها بين السطور واتفق معك فيها
وصباااح الورد والسنع كله
صباح الباستا اللي بالفرن
:)
طلعتي شيف و انا مادري !!
عيل بس انا و جندل الخرقات
ماينفع نسوي بيض وطماط ونحطها بالمدونة .. يعني طبخة :)
عاد ترى علي شاورما موصج .. اسويها حق الشباب بالمخيم .. ماودي انزلها اخاف احرق طبختج :)
اشفييييه :)
بالنسبة لي عندي " السوس " اهم من المكونات .. يعني انا مااحب الموش .. بس اذا عليه صبار اموت عليه :)
خوش مثال!!!
وتحياتي ..
ويسلموااااااااااااااااا :)
أهلين جندولااااااااااا
إسم الله عليج من الأرتكاريا ولو إني مادري شنو إهيه;q
هالأيام كلنا يايتنا حساسية من السياسة..إلي مستعدة تتكلمين في التبخ :))
كاني لاحقتج المدونة الثانية:**
سويتييييييي
كاني كاني لاحقتكم سوري على التاخير:**
تكوووووووووناااااااااااا
لندون لأنفسنا
ولنكتب بصدق احساسنا
قد يكون الأمر بسيط،امر تافه في نظرك ولكنه قد يكون شمعه ضوؤ في طريق غيرك فلا تستصغرين اي كلمه تكتبينها ولو كانت فكرة
بيت شعر
او حتى طبخة:)
كلماتج من ذهب حبيبتي ما أقدر ازيد عليها شي :***
ياالله كاني إن شاء الله رايحة المطبخ..ييبي صحنج معاج:))
أحنا عشقناها
يا مساء الفوسيلي و الكانيلوني و الإلبو باستا :**
ماكو أسهل من الطبخ كل إلي يبيله خلق ...بس
كويت الخير
لوووووووووووول ينفع ينفع ولا يهمك نفتح المجلات حق وصفات القراء و نسوي مسابقة :))
الصلصة من ناحية القوام جداًجداً خفيفة ...قبل لا أبتدي بالطبخ كنت حاطة في بالي إني أسويها أثقل من جذي بس وآنا اطبخها يوم ذقت الماي إلي طالع من الخضار تحسف أخرب عليه بمكونات ثقيلة فخليته مثل ما أهوه بس زدت عليه شويه كريما (3 قفاش) علشان توازن الطعم...بس
شورمتك ضروري تحطها ..متأكد مو مالت أمريكانا الجاهزة؟ :)))
Mellow..
وااااااااي يا بختج على مزاج الطبخ..
أنا ودي والله ودي..
بس ( 0 ) يعني الطبخ كلش مايدووور عندي ,, بلاكت حدي متشوقة على الطباخ..
للأسف ما عندي صبر حدي 20 دقيقة بسسس.
جندوووول.. اشبتسوين في المقادير ؟
أخاف بس بتطبقين من وراي ؟؟!!
@@
الله يخلي أم النور :)
احنا عشقناها.. كلنا من نفس الفصيلة
حدنا ذواقة وبسسس ؛)
يو نو هو
أهليييييييييييييييين
و سهليييييييييين
أشرقت و أنورت و إستهلت و أمطرت
ويييييييييييييييييييييينج؟
إش هالغيبة؟
لا تطبخين شي آنا أييب لج إياه لي عندج ولا يهمج
أحنا عشقناها إقترحت أسوي دورة و هذا ويهي إن طبخنا شي...لا تجابلنا آنا وياها و جندل وين نطبخ ؟ حدنا ناكل و نهذر
مساء الخير :)
الاكله شكله يشوق خاصه لأني احب اي شي في معكرونيه :)
Melooooooooooow...
Thanxxxx
وماقصرتي حبيبتي..
أنا كنت مسافرة وتوني رادة..
وغطيت بسبب إكتئاب ما بعد السفرة ؛)
الله يسلمج .. صار لي فترة وأنا أتحلم بالطبخ.. بس أقرب من المطبخ.. تحوشني حجة.. حساسية .. نرفزة..
يقولون هذي أعراض العين .. بس أشك..
حدي حدي بيض ويفضل عيون @@
انا قايلة باكتشف ذاتي.. يمكن الطبخ موهبة مكبوتة.. :)
فاتو
صباح الخير حبيبتي
عيل جربيها و قولي لنا رايج فيها
:)
يــا هلا فيج
يو نو هو
الحمدلله على السلامة
إكتئاب ما بعد السفرة؟! عجيبة عيل آنا بس أرد الكويت يتعدل مزاجي!
المطبخ ..جربي تدخلينه..بس تزيد عليج الحجة طلعي أهم شي سلامتج :**
إرسال تعليق