قبل الدخول في الموضوع أود الإشارة إلى أن جميع اللقطات في هذا البوست أخذت بعدسة أختي (إضغط هنا)كما سمحت لي بإختيار بعض اللقطات إلي كانت ناوية تنزلهم بفليكر ...فلها منا جزيل الشكر :)
*********************************************************
بدأ العشق منذ...
سنين عمري
في الجنوب الأسباني
هنا ترتدي الأندلس حلتها الجديدة في كوستا ديل سول
في فوينخيرولا حيث أصطاف سنوياً
حيث يقف البحر شاهداً
على إنشغال "أليخاندرا" عنه
وتـَوْق "مانولو" لسبر أغواره
وعندما يحين موسم الصيد
* احتفال موسم الصيد في فوينخيرولا في السادس عشر من يوليو من كل سنة
*صاحبنا المغربي في مطعم السمك شايل طلبنا (ألدوراداس) قبل لا يشوونهم لنا :)تنتحر الأسماك كرمى لشهية عشاقها
*sardinas ala blancha سردين مشوي
*gambas ala blancha ربيان مشوي
*pil pil ربيان مطبوخ بالفخار مع كمية وافرة من زيت الزيتون و الثوم و الفلفل المجففو إييبونه يبقبق من حرارته :)
وفي كل مرة يتحطم فيها الموج في محطته الاخيرة عند لقائه بالرمال
تجبر قلوب و خطى المحبين
وفي الآحاد تناديني ميخَس بأزقتها الحميمة
بنقاء بياضها
وقلبها
و ترحب بي
و ترحب بي
بهجة ألوانها
وتلك ماربيا المترفة المتباهية
*كل يخت يقول الزود عندي ، كل واحد جنه فندق خمس نجوم
قـِبلة الأثرياء
و مَجـْمَـع الصخب و اللهو البريء ...و الخطيئة
و خلف بوابات التاريخ
وتلك ماربيا المترفة المتباهية
*كل يخت يقول الزود عندي ، كل واحد جنه فندق خمس نجومقـِبلة الأثرياء
و مَجـْمَـع الصخب و اللهو البريء ...و الخطيئة
و خلف بوابات التاريخ
تقف حضارات سادت
*puente viejo أو الجسر القديم في روندا و كذلك يعرف بإسم puente arabes يعني جسر العرب
*أحد متاحف روندا Museo del Bandolero de Ronda
و مازالت تنبض بالحياة
*من حديقة المتحف
وعندما يلف وشاح الظلمة جسد الليل
يضل السبات دروبه لعيون الأندلس الجديدة
*أحد متاحف روندا Museo del Bandolero de Ronda
و مازالت تنبض بالحياة
*من حديقة المتحف
وعندما يلف وشاح الظلمة جسد الليل
يضل السبات دروبه لعيون الأندلس الجديدة
يتبع الجزء الثاني :)
هناك 35 تعليقًا:
الله ياهي تنهيدة طلعت مني
:)
شي عجيب البوست شخللي... شبدي!!
اقول جني عرفت ناحيتكم!
:)
قريب من لا كونشيا؟
يا زينها يا ميلو ... ولا
pil pil gambas
وفعلا اييبونه يثعور وانطر عليه 10 دقايق لين ابلش فيه!
يا زين ورق العنب... يستخدمونه تعريشة حق جراجاتهم
تدرين!!
امي و خالتي دايما يلقطون منه... من بيت وحدة بطريق ميخا... ويدزون لها نقصة دولمة
:)
يننت على طعمه
على كثر روحاتي.. ما عمري رحت روندا!!
على كثر ما اني متشوقة حقها... عندي مشكلة بالطرق الملتوية والمرتفعة... وسمعت انها لين واحد رايح راد... خوفي متغلب علي زائد ان جبدي ما تتحمل لوية زايدة!
يا حلو وشاح الظلمة والتمشي بين سكيكهم الضيجة وبيوتهم المجكنمة... وريحت وردهم تفوتح بالسكيك... ريحهتا وايد مميزة... اسمها
dama de noche
امي و خالتي شقلوها على قلوبهم من هناك لي الكويت... بس ما تحملت جونا!
حسيت اني كثثرت!... والا انا بقلبي كلام ودي اقوله
:)
بانتظار الجزء الثاني
buenos dias e hasta prunto
:)
وخووووووش جولة
والتعليقات سمبتيك
:)
صباح الخير
جندل
وريحت وردهم تفوتح بالسكيك... ريحهتا وايد مميزة... اسمها
dama de noche
"وردة ملكة اليل" ما تفتح إلا بالليل وايد يزرعونها البيوت إلي في سييرا ميخس (أحنا شقتنا القديمة كانت مناك) والله خذينا من هالوردة و زرعناها إش حلو ريحتها بس ما قمنا نزرعها ألحين.
تدرين إن من يصير شهر 6 و آنا بالكويت أشم ريحتها!! حتى لو آنا بنص مجمع ..بالدوام ...يم البحر أشم ريحتها ، أحس جنه أسبانيا تناديني،على قولة أختي أمس تقول الكويتيين ماكو فايدة منهم كل سنة يقولون "محنا رايحين أسبانيا إش لنا بالحر" و بس يصير شهر 3 تسابقوا على الحجز!! حتى إلي باعوا شققهم ردوا مرة ثانية شروا شقق يديدة!
إيه أحنا يم لاكونتشا :)، يم روندا تري إذا تعرفينها.
أما روندا آنا ما رحت لها إختي راحت لها ويا رفيجتها علشان يصورون أذكر أحنا كنا حزتها في لاكنيادا :q تقول جوها شوي أبرد من ملقا و توابعها.
حبيبتي روحي و ردي على البوست مثل ما تبين كلما صار شي بخاطرج تقولينه تعالي هني قوليه.
و آنا بعد ناطرة صورج ;)
حلوة فنخرولا..
بس جنها حارة بالصيف.
جولة حلوة.. وانا من عشاق طبيعة اوروبا .. لذلك سانتظر المزيد.. :)
شكرا على الالبوم..
الزين
صباح ملكة الليل (بقعدها من الصبح علشانج) :**
التعليقات سمبتيك لأني مت و آنا أنزل الصور و ينمسحون لين مليت مليت طقت جبدي.
عاد تصدقين تذكرتج و آنا أسوي البوست، كنتي تحطين صور و معاهم تعليقات (تـُنـْطـِق جمال الصور) ما عدتي تسوينهم؟!
حبيبتي أسعدني مرورج :*
أهلين أستاذ حمام
"جنها" حارة بالصيف؟!
إلا حر موت بس أحنا ما نيوز عنها ولا السنة إلي طافت بدَّعت بالحر.
أعتقد أن عشق أسبانيا عندي تعدي (شـَرْطِـيَّةالحب) فقد سكنتها و سكنتني منذ سنين طوال حتى أضحت بلدي الثاني :) ولا أظن أن هناك من يسطر الأسباب لحب بلده.
تابعني في جولتي الثانية :)
ماشاء الله خوش صور
ألبتي المواجع :))
انا كنت بين و بين السنة أروح
لكن عقب هالصور إنشاءالله بروح :))
هالديره عجيبة فيها سحر و جاذبية
تدرين شنو أكثر شيء شوقني!!
1- mijas
اموت عليها
بس مو أحد
و حلاتها الضحاوي و المغارب as well
2- روندا
من 1983 و انا اروح الجنوب الاسباني سنويا
و لا مرة رحت روندا ,, اتعيز دربها.. مع اني اتعنا ليه برشلونة بالسيارة :))
انشاءالله هالسنة نعسها :))
اثراج ياراتنا وحنا ماندري
وينا عنج طول هالمدة :))
أحنا عشقناها
وين وين وين؟ لا تسوون فيني جذي إنتي و جندل..قولوا لي وين ساكنين؟
لأ هالسنة لازم تروحون أسبانيا علشان أشوفكم إنتي و جندل و يو نو هو ، حتى المقوع الشرقي أثراها تروح أسبانيا.
تصدقين أسبانيا على كثر ما أحبها أخاف أمدحها حق أحد لأن طريجها طويل (سبع ساعات بالطيارة) + جوها حار إلا إذا كانت السفرة بشهر 6 و أول 7 الجو وايد حلو بس والله السنة إلي طافت بدعت بالحر ، لا و أحنا مكيفنا تسلط و إخترب علينا و عقبها قلنا بس هذي آخر سنة حقنا بأسبانيا(كل الكويتيين قالوا نفس الحجوة السنة إلي طافت) و ألحين ..ولهنا عليها!!!! أصلاً حجزنا.
احنا بعد حجزنا :))
انا السنة اللي فاتت قعدت شهرين 7 و 8
ما حسيت بحر!!
أنا شهادتي فيها مجروحة .. و ما قول فيها إلا : عذروب خلي حسنة الفتان :))
أنا ما احب امدحها حق احد .. أبيها بس حقي :)) مالنا خلق تصير لندن
متى بتروحين ؟؟ :))
أحنا عشقناها
إي والله عذروب خلي
لا والله العام فحنا من الحر ، أسمع الناس يتأففون و آنا أدافع مو راضية عليها بس بقلبي أقول صاجين.
إن شاء الله ناوين على يوم 19/7 بنقعد فيها شوية هالسنة مو وايد.
شكلنا بنتلاقا :))
c u @ andalucia
روعة :)
اللقطات ما شاء الله خيالية.. إلى الأمام دائما ..^_^
جمييييييل
;)
Mellow
اللللللللللللللـه..
يا حلو ماربيللا ؛)
قلبي قام.. يرقع يرقع يرقع ؛)
ولا بورت بانوس .. يا زينه ؛)
أثرتي فيني المواجع يا مـي مـي ؛)
عاد فنخروللا .. لها معزة بقلبي..
كلة عشان وجود جندولة وأهلها فيها :)
pil pil gambas ما جربتها .. شوقتيني..
الصيفية ان شالله ..
ويا حلو البوست ؛)
عجييب :)
مشكووووورة ..
ناطرة Part 2 على أحر من الجمر :)
يا زين المغارب هناك
من وين الحر؟؟
ظلها بارد ونسيم البحر منعش
وقعدة القهاوي ما تحلى الا هناك... يا زين ال
cafe con leche
على الريج... طعم القهوة عندهم غير نمونة!!!
لو وين تقعدين
حتى بأكحن قهاوي بالسوق و الشارع الموازي للسوق... اللي يودي حق محطة القطار... هم قهاويهم عجبة
اهو كله اسبوع تفلهق من الحر... ممكن تقزرينه يا بالبحر او في ميخا
جوها على طول حلو و براد
انا حاجزة حجزين... واحد بنص 6 وواحد بآخر 6
خفت اقول ... تقولين شهالمزهوقة!
:))
مثل ما تشمين الريحة هني
انا اكثر شي يعور قلبي... اذا شميت ريحة زفرة البحر بالكويت!!! شنو تذكرني بهناك!!! وخلطي معاها ريحة الساردين المشوي
:))
ايام بابا ايام!
أحنا عشقناها
نتلاقى إنشاء الله في ميخس عند الكفتيريا إلي أول وحدة يم الحنطور نقعد 3 ساعات على صحن تشيرو واحد مع كاكاو لمممممممممممن يطفرون ملوت الكفتيريا و يطردونا ولاّ يبوقون جناطنا (هذي حركتهم في التطفيش)
مستعدة
مشكورة حبيبتي و كل الشكر لإختي و كاميرتها :))
آرتفل
مشكور أخوي مرورك أجمل :)
يو نو هو
أهلين سلامة قلبج من الرقعة :**
بويرتو بانوس و خصوصاً الكفتيريا إلي بالدخلة على الزاوية أم كراسي خضر ..الناس ركضة عليها و طق مطاقق حق الطماشة و القراض بخلق الله (إستغفر الله)تلقين ربعنا قاعدين من القايلة لين بالليل على قلاص عصير برتقال فجأة الطاولة إلي كانوا فيها شخصين صارت دوانية (هلا فلانة شلونج تعالي أهو يري لج كرسي) لازم.
لأ ال pil pil لازم تجربينه (قاعدة أكتب و ابولع بريجي) إييبون لج معاه خبز علشان لما تخلصين من الربيان إلي بالصحن (قاعدة أتلمظ) تغطين الخبز بالزيت إجرااااااااااااااام، يا حب الأسبان حق التغطط و التلقلق التشيرو يغمسونه بالكاكاو (جنه ألحين ناقص شيرة)و الخبز يغمسونه بصلصة الpil pil و نفس الشي المحار إييبون لج معاه خبز علشان لاخلصتي بالأخير تغطين الخبزة بماي المحار...وكل هالإجرام بالأكل ما يسمنون!!!!!! آنا أقول من الهذرة بحياتي ما شفت ناس قراقين مثلهم ويصرخون من قمة راسهم.
عزمي عزمي و تعالي أسبانيا :)
جندوله
(من وين الحر؟؟
ظلها بارد ونسيم البحر منعش)!!!!
سبحان الله صج يوم قالت أحنا عشقناها يا زين خلي و ماحلا عذروبه.
والله حر والله العظيم حر ، بس أحسه برد وسلام علي ، يا زينها زينااااااااااه.
أما الاكل عندهم ، شوفي المطبخ الأسباني مو معروف مثل الإيطالي و الفرنسي وغيرهم بس عندهم بأسبانيا أحسن طباخين بالعالم...يعني رحت روما بس ما ذقت بيتزا أحلى من بيتزا أسبانيا تروحين فرنسا (المليقة) ما تاكلين خبز و كرواسان اطعم من هلـّي يبيعونهم بالأكشاك الكحيانة بأسبانيا ، البرِّد وااااي يا البرِّد ماكو ألذ من برِّد أسبانيا أصلاً فريش ما يقعد ولا هذا verdo وااااااااااي ذوقي pin~a con nata أصلاً تحتارين ماتدرين شنو أحلا البينيا ولاّ الناتا؟! يختج كريمتهم مادري شلون قايلة ، آنا بالكويت ولا بأي مكان بالعالم كله تلقيني please without wipping cream بأسبانيا لااااااا نشتري الكريمة بقوطي بروحه و نلهمها لهام.
ومثل ما قلت حق يو نو هو ياكلون أكل الشر و ماشاء الله ولا يبين عليهم.
تدرين شنو ترويئتهم؟؟
خبزة ما عندج انطع منها و يصبون فوقها زيت زيتون!!!
يا سلام!!
والا
tostadas con queso
توست بيمبو!
والمطعم الاسباني غني جدا بمقبلاته واطباقه.. وتعالي عل حلو عاد
ما عمرج جربتي البيت اللي في ميخاس... اللي فيه 3 حريم عيايز!!... تلاقينه ببداية الصعدة وانتي رايحة حق مصارعة الثيران
والبررد شفاحة ما بعدها شفاحة!!! غرام وانتقام
dolce de leche
o leche merengada
لازم عل أقل آكل مرتين باليوم!! والا اتعومس!!واذا قربت الردة ازيد الجيلة!
انا ما اشوفها حر!!! ببساطة انا وايد مبراد... احب اعيش بالحر! وساعات استبرد بالليل... يدور الهوا عندهم بالليل!
وااااااااااااي جندوله توست بيمبو أحب النوع إلي يتلصق باللهات إلي جيسته جنها نفنوف مدرسة.و أحب ريحة بيضهم لما يقلونه ، زفرة بس حلوة (ما أقولج يازين خلي و ماحلا عذروبه..ماكو فايدة)
لأ ما أعرف هالمطعم أحنا في ميخس كله نروح valberaiso أهوه مطعم إيطالي قديم بس وايد راقي و عنده فلامينكو شو مرة بالإسبوع (على ما أعتقد الخميس) أكيد تعرفينه.
أما البرِّد كله يشوقني دولثِه دي ليتشي و الـ ليتشي مارينغاذا بس لا وقفت عند راعي البرد أتدوده من الأنواع ، أدخل المحل أكون ناوية شي و أطلع منه ماخذه شي ثاني.
انا البرد مو وايد رفيجي
بس أحب carte dor
هم heladeria 900 كل الناس تعنالها
أقول what about
el waffles
احلى وافلز اللي بدخلة ماكسي حق السنتر
ريحته تكفخ براسج عن بعد
مطاعم ميخاس
alcazaba وايد خوش :))
واللي قالت عنه جندل اسمه
el mirlo blanco
الطير الابيض
كل أكله لذيذ
أحنا عشقناها
كارته دوووووور عليج نووووووور عيزت و آنا أتذكره ذكرتيني فيه الله يذكرج بالشهادة.
أما الـgofres con chocolate الوفل هذا كنت بحطه بالبوست بس يوم غني مالقيت كلمه توفيه حقه جان أحذفه (جد ما أتغشمر) حطيت صورته و قعدت أطالع ياربي هذا ألحين شقول عنه شحجي شخلي لا تقولين بلجيكا ولا فرنسا ولا مادري وين إذا ما حطولج إياه بهالكرتونه البيضه و دقّوا الكاكاو الحار عليه دقْ و توهقتي فيه و ماتدرين شلون تاكلينه وبالأخير نص ويهج يتدمر ويا هدومج ولا مااااااااااااااا تعرفين طعم اللذة و السعادة...واي إنتي تقصدين الكشك إلي بطلعة السنتر جنج خلصتي من السوق و بتروحين البحر؟ هذا غرامي.
واااااااااي أبّيه كل سوالفنا عن الأكل ورانا عروس و إستقبالات.
loooooooooooooool
الوفلز اقصه بالنص عشان ما اتوهق
وبطل ماي يممي!!!
بس بنتي مسكينة تتسبح بالكاكاو!!!
دايما احرص انها تكون لابسة مايوه عشان ما تدمر هدومها لووووول
بس اقولج شي!!
طعمه متغير!! صاير مو مثل اول!!
ميلو اذا صج تحبين الوفلز.... انا شارية من دين اند ديلوكا عجينة وفلز مفرزنة... اسخنها بالفرن واحط عليها كاكاو نوتيلا سايح... نفس الطعم... حتى فيه حبات شكر مثل العجينة مالت اسبانيا
اهي بالاصل عجينة بلجيكية
:)
ويقولون بلندن في اللي احلى من اللي عندنا!
:))
واسبانيا شنو فيها غير البلعة والسوق!!
جربتي بايلا لوبستر بس؟؟
خياليه!!
وهم بايلا مطعم ال
mero
اللي في بورتو مارينا!!
اجميها عن عدوج
صباح البلعة اللي مالها أول من تالي:)
على فكرة دكان الوفلز اللي في السنتر سكر السنة اللي فاتت.. و ما يندرا عنه السنة بيفتح و لا لأ ؟
في مطعم جديد في neuva andalucia اهو قهوة و يقلب مطعم بالليل اسمةmagna لا يطوفكم خوش view
و اللي عنده new update عن المطاعم خل يوافينا بآخر الاخبار :))
الله خوش جوله
وخووووش صور
الجو عجيب عندهم
شوقتيني وانا اطالع الصور
بروح اسبح بالبحر
من صجي والله ترى ما اتغشمر
:)
روعه البوست
والاروع انتي
:**
جندوله
مشكورة على المعلومة إن شاء الله في أقرب وقت راح أروح دين آند ديلوكا و أشتري العجينة ، ما عندي الشواية مالت الوفل بجربها بالتوستر ;q
لابوستر بائِيا؟ شكلها لذيذ عاد أحنا في بويرتو مارينا ما نقعد إلا في بينوتشو ما قط مرة جربنا شي ثاني.
في مطعم سي فوود بملقا حسافة مادري شسمه أهو على البحر و وايد شعبي ، بس تقعدين على الطاولة تطلبين إلي تبين تشربينه أما الأكل فطريقتهم غريبة...يمرون الجرسونات و معاهم صواني فيها صحون و كل جرسون يصرخ يقول شنو شايل (ربيااااااااان ربياااااااان من يبي ربيااااااااان) و تنادينه ويحط لج صحن بعد يمر الثاني (كلاماريييييي كلامارييييي من يبي كلامارييي) و تنادينه و يحط لج و آخر شي لا بغوا يحاسبونج يعدون جم صحن خذيتي و يكتبون لج الفاتورة على السماط :)))
أحنا عشقناها
ويييييييييي حسافة على الكشك عاد هذا أثري و يعطي ريحة حلوة حق الممر
بس آنا السنة إلي طافت إحترمت نفسي و ما كليت وفل إلا مرتين ، الأكشاك إلي بالتيفولي تسوي وفل وايد لذيذ
إنزين نويفا أندلوثِيّا وين صايرة؟
إيه والله يبيلنا أبديتينغ آنا أمي و خالتي طايحين طيحة بفنادق إستبونا وبني حافظ كله ربعهم يعزمونهم هناك
صبا
حياتي ما قصرتي :***
أسبانيا إذا إنتي مو متحجبة راح تستانسين حق السباحة و البحر ، والله آنا إختي السنة إلي طافت ما حطت بخاطرها طبت البحر بحجابها و بنطلون و بلوزة تقول أحس شكلي مخلوق غريب بس مابي أخلي بخاطري...اما آنا لأ تأبى المروءة ...أستحي أسبح و آنا لابسة الكبت كله.
وصج أسبانيا (الجنوب) أجوائها غير عن باجي دول أوروبا خاصة في فوينخيرولا (منطقتنا) وايد بساطة حتى لو تمشين حافيه بالشارع عادي محد يطالعج أهمه مناك الأسبان وايد فوضويين، بس ماربيا غير ، مناك الناس وايد كلاس و كله ساكبين على سنقة عشرة بس هم تظل ستايها غير عن مدن أوروبا.
يالله إنظمي معانا إلى شلة أسبانيا :)
Mellow..
نويفا أندلوثيا في ماربيلا..
فوق بورت بانوس على طول..
منطقة راقية..
وفيها سوق السبت من الصبح ليما الساعة 2 :)
ان شالله ماربيلا بالصيف :)
بييب ورقة وقلم وسجل كل المطاعم إللي يبتو طاريهم ..
وواحد ورا الثاني ؛)
يو نو هو
حبيبتي مشكورة على الإفادة ...صج خن نتواعد مناك
ميلو
هالمطعم مشهور بملقا
:)))
حراي
:)))
بجم اقول بجم هالبنت العروس
وبويرتو مارينا مطعم الميرو حق السمك
وهم ميترو اللي في منه في بويرتوبانوس
بينوكيو قعدت فيه مرة خوش قعدة
اقووول!!!
ما عمرج قعدتي عل قهوة اللي بالعاير!!! اللي كل يرقصون فيها!!
عليهم عصير رمان مع سفن اب!!
شي ما صار
granadin
على قولتهم
من يصير المغرب عسيت البوست:))
لووووووووووووووول جندوله
بجم اقول بجم هالبنت العروس
ماشاء الله عليج يبتيها :****
حتى أحنا نسميه مطعم الحراي
ماشاء الله عليكم خبرة بمطاعم بين المدنا
هذي القهوة الكبيرة إلي كلها رقص و عنفصة؟
لا والله كله عبالنا منيوهم غير جائز شرعاً؟
نجرب وماله :)
أشوه نزلت هالبوست تعرفت على أماكن يديدة :))
عروض متاحه من شركة المسافر اسبانيا علي تاجير سيارات في ملقا خلال فترة الصيف من الان وحتي نهاية شهر اكتوبر اتصل الان او احجز عن طريق الموقع
لطلب الخدمات يرجي الاتصال علي :
0034631833012
كما يمكنك زيارة الموقع التالي لمزيد من المعلومات:
www.almosaferspain.com
إرسال تعليق